Hasteko, hitzordu nagusia Urrezko Aizkorakoa izango da, txapelketa horretako finalerdia Oñatin erabakiko da eta. Guztira, hiru bikote izango dira zein baino zein gehiago eta aizkorako sei modalitate ezberdinetan jardungo dute.
Harri-jasotzaileak ere bai
Aizkolarien saioaren ondoren etorriko dira harri-jasotzaileak. Eta hor, harri-jasotzaile azkarren arteko lehia izango da, Telleriak eta Olaizolak hiru harri ezberdinekin jardungo dute-eta, finalerako txartel bila. Eta saioa borobiltzeko, emakumezko harri-jasotzaileek erakustaldia egingo dute. Saioa 12:00etan hasiko dute eta sarrera doan izango da.
