Bihar hasiko dira, zumba saioarekin, 09:30etik 10:45era bitartean. Saioan parte hartu nahi duenak kiroldegian bertan edo 943 71 63 75 telefono zenbakira deituta eman dezake izena; plazak mugatuak dira.
Otsailean eta martxoan ere izango da non aukeratu. Otsailaren 11n, zapatua, fitbike saioa izango da, 09:30etik 11:00ak arte. Hurrengo ostiralean, berriz, otsailaren 17an, luzaketa eta erlaxazio eskola magistrala egingo dute, arratsaldez, 17:00etatik 18:30era. Azkenik, martxoaren 24an, ostirala, aeropilatesarekin emango zaie amaiera master class saioei: 17:00etatik 18:30ak arte. Izena ematea goian aipatutako tokietan egin beharko da.