Hain justu ere bi taldeek sailkapenean zuten egoerak aurreikusten zuen partidua parekatu izango zela. Biak ala biak, azken postuetan eta hiruna punturekin. Hala, lehen bost minutuetan berdinketa nagusitu da markagailuan. Baina, hamargarren minututik aurrera Aloña izan da nagusi. Poliki-poliki, baina, atzera begiratu barik abantaila handitzen joan da: 8-5, hamaikagarren minutuan; 11-7, hamaseigarrenean; eta 16-8, atsedenean.
Lehen zatian erasoak gailendu zaizkie defentsei. Aloñaren erasoa oso eraginkorra izan da, eta Askartzaren defentsa oso motela. Era berean, aipagarria da etxekoen atezainak egindako lana: geldiketa oso onak egin ditu.
Bigarrena, oso antzekoa
Lehenengoaren bidetik joan da bigarren zatia. Hasi eta berehala, hamar goleko errenta hartu dute etxekoek (18-8), eta margen horretan ibili dira, bigarren zatiko ia minutu gehienetan (19-9, 20-10, 21-11 eta 22-12).
Azken minutuetan bizkaitarrek apur bat estutu dute, baina, puntuak etxean geratu dira.