Domeka arratsaldea etxeko txikienei zuzendutakoa izango da, Glu Glu antzerki taldeak 'Munduari itzulia 80 egunetan' antzezlana eskainiko du-eta Santa Ana antzokian, arratsaldeko bostetan hasita; emanaldi bakarra izango da. Ordubete inguruko antzerkia izango da eskainiko dutena eta, azken egunetako eguraldi txarrari aurre egiteko, familiarekin batera edo lagunen artean gozatzeko aukera paregabea izango da igandekoa, inolako dudarik gabe.
Ikuskizunaren abiapuntua Munduari itzulia 80 egunetan liburu ospetsua da, Jules Verneren eleberrian oinarritutako bertsio librea. Glu Gluren lanetan ohikoa den moduan, Ugaitz
Alegria aktoreak zuzentzen duen antzezlanaren tonu nagusia komikoa eta musikala da. Hain zuzen ere, antzerkia ikustera joan nahi dutenek sarrerak jadanik eskuragarri dituzte Oñatiko Udalaren webgunean, www.oñati.eus-en, eta 4 euro ordaindu beharko dituzte sarrerak lortzeko.
