Datorren apirilaren 23an jokatuko da 2023ko Aloñako Igoera eta antolatzaileak prestaketa-lanetan ari dira eguna iritsi bitartean. Bihar, korrikalariak hainbeste itxaroten ari diren eguna iritsiko da, izena emateko epea zabalduko baitute. Eguerdiko hamabietan irekiko dute izena emateko epea eta www.sailkapenak.com webgunearen bitartez egin beharko da.
Urtero 300 korrikalarik baino gehiagok parte hartzen dute Aloñako Igoeran. Bertan izan nahi dutenek kontuan izan beharko dute izena emateko zerrenda mugatua dela eta azkar ibili beharra dagoela, agortu egiten direlako dortsalak.