Otsailaren 18an ospatuko dira aurten Oñatin Inauteriak, eta, hain zuzen, Oñatiko Inauteri Taldekoak hasiak dira jada prestaketetan. Urtero bezala, herriko kaleak kolorez eta dantzez
beteko dira egun horretan; 16 urtetik gorako herritar guztiak daude gonbidatuta izena ematera eta festa horretan parte hartzera.
Aldez aurretik dantzak eta abestiak ikasi beharra dago, eta martitzenean ekin zioten entseguei, Eltzian –entsegu guztiakizango dira bertan–. Hain zuzen ere, otsailaren 18a iritsi bitartean, martitzenetan (20:00) eta zapatuetan (12:00) izango dira entseguak.
Aurtengoan, gainera, dantza bat eta kantu bat estreinatuko dituzte egun horretan. Hori dela eta, entseguetara joateko garrantzia azpimarratu nahi izan dute antolatzaileek.