Ibon Martin idazle donostiarrak astean argitaratu du El ladrón de rostros nobela beltza, haren azken lana. Aurreko liburuak kostaldean kokatu zituen Martinek, baina oraingoan, Oñatin gertatutako hilketa bat izango da nobelaren abiapuntuan. Gaur iluntzean, Santa Ana antzokian (19:00), noblearen aurkezpena egingo du idazleak berak.
Aurkezpena interesatzen zaion irakurle orori dago zabalik, eta herriko liburu-denda guztiek gonbidapena jaso dute bertan egoteko; hala, behin saioa amaitutakoan, bertaratzen diren
guztiek liburua erosteko aukera izango dute. Idazleak, gainera, liburuak sinatuko ditu aurkezpena bukatutakoan; aukera ezin hobea, horrenbestez, Ibon Martin bertatik bertara ezagutzeko.
Elkarrizketa 'Puntua'-n
Oñatin kokatutako istorioa izanik, Goienak donostiarra elkarrizketatzeko aprobetxatu dute eta solasaldi hori irakurtzeko aukera egongo da gaur banatu den Puntua aldizkariaren zenbaki berrian.