Hots abesbatzako 35 kantariek Aequus Ensambleko sokazko hamabost musikariren eta Amaia Zipitria piano-jolearen laguntzaz abestuko dute. Aurreratu dutenez, Eva Ugaldek taldeari duela urte batzuk idatzitako Elementuen Kantak lehen aldiz orkestratuta entzuteko aukera izango dute bertaratutakoek. Horretaz gain eskainiko dituzten kanten artean honako hauek daude: Silent night (D. Forrest), Ave verum (F. Poulenc), Days of beauty (O.Gjeilo) eta Akerra ken (Arr:D. Azurza).
Sarrerak salgai daude bost eurotan udal webgunean eta Txokolateixan. Eta Goiena telebistak eta Goiena.eus atariak zuzenean emango dute kontzertua.