Industria-parke bat eraikitzen hasiak dira Cegasa enpresa oñatiarrak Gasteizen zuen lursail batean, ekainean sinatutako salmenta baten ostean, sektore logistikoari hauspo emateko.
Hain justu, bi fase izango dituzte lanek. Espazioa birmoldatzeko asmoz, bi eraikin birgaituko dira lehenbizi, eta ondoren, gainontzeko eremua ere moldatuko da; era horretan, asmoa da beste enpresa logistiko edo industrial batek ere bertan jardutea. Are gehiago, enpresa horrek 3.000 metroko bulego-eremu bat izango duela jakinarazi du aholkularitza lanean aritu den ProEquity enpresak.