Felix Buff, Willis Drummond taldeko bateria jolearen proiektua da Rüdiger, eta gaztelekuan egingo du kontzertua urtarrilaren 15ean. Gitarra soinean hartuta, brit-pop, folk, psikodelia eta indie doinuak nahasten dituen Before It’s Vanished lana argitaratu zuen 2020an eta bera aurkeztera etorriko da.
Aurretik ere izana da Oñatin, bertan eskaini zuen proiektu honen lehen zuzenekoa Antixena Gaztetxean eginiko kontzertu bikoitz batean. Bikote formatuan izan zen hura, baina oraingoan talde guztiarekin batera etorriko da eta Joseba Irazoki, Vincent Bestaven, Antonie Philippe eta Mikel Santxez izango ditu alboan gaztelekuan.
Sarrerak sei euro (+gastuak) dira eta abenduaren 17an, 10:30ean jarriko dituzte salgai Txokolateixan eta Udalaren web orrialdean.
