Abenduaren 1ean, ostegunean, Alderray, Tartean teatro taldearen antzezlana, izango da ikusgai Santa Ana antzokian. Bi saio egingo dira: 12:00etan, batxilergoko ikasleek antzezlana ikusi eta, ondoren, solasaldia izango dute aktoreekin; eta 19:00etan, herritar guztientzako saioa egingo da. Bigarren saiorako, Udalaren webgunean eta Txokolaterixian daude sarrerak salgai –8 eurotan–.
Abenduaren 2an, ostiralean, txokolatea doan banatuko dute ikastetxeetako guraso elkarteek eta hainbat ikasleek euskararen aldeko mezua duten bizkotxoak salduko dituzte euro baten truke –lortutako dirua ikas bidaia ordaintzeko izango da–. Ondoren, euskal kantak abestuko dituzte Udaletxeko kontzejupean, 18:00etatik aurrera. Doinuak ikastetxe guztietako musikariek jarriko dituzte.
Euskararen egunean gertatzen den guztiaren berri ikasleez osatutako kazetari taldeak emango du Oñati irratian.