Emakumeek espazio publikoa askatasunez erabiltzeko eskubidea aldarrikatu du Oñatiko udalbatzak, aho batez onartutako adierazpenarekin

Oihana Elorza Gorostiza 2022ko aza. 25a, 09:14
Atzo, eguena, egin zen azaroko osoko bilkura.

Emakumeek espazio publikoaren erabilera berdintasun baldintzetan egin dezaten, eskura dituen baliabide, estrategia eta mekanismo guztiak eskaintzeko konpromisoa ere hartu du, "beldurraren pertzepzioa murriztuz, eta espazio seguruak eraikiz".

Indarkeria matxistaren kontrako egunari lotutako adierazpen instituzional bateratua adostu eta onartu dute Oñatiko udalbatza osatzen duten bi alderdiek eta espazio publikoetan eta askatasun kolektibo zein indibiduala garatzea oztopatzen duten elementuetan jarri dute fokua, sexu indarkerian bereziki: "Azaroaren 25 honetan, emakumeok espazio publikoa askatasunez erabiltzeko eskubidea aldarrikatu nahi dugu, eta fokua jarri nahi dugu askatasun indibidual eta kolektibo horren garapena murrizten duten mekanismoetan, eta bereziki sexu-indarkerian. Izan ere, emakumeon aurkako sexu-indarkeriak, funtzio zehatz bat betetzen du egungo gizarte patriarkalean: emakumeok kontrolatzea eta gure askatasuna murriztea".

Tokiko erakundeen beharra hori gauzatzeko behar diren baliabideak eta mekanismoak direla dio agiriak, esaterako, tokiko administrazioei dagokiela, beren politika publikoen eta hiri-plangintzaren bidez, espazio publikoak emakumeen aurkako indarkeriarik gabeko leku lagunkoi bihurtzea. 

Aldarrikapen honen esparruan Oñatiko Udalak konpromisoak hartzen dituela ere jasotzen du agiriak. Hemen onartutako adierazpen instituzionala.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak