Bigarren gradura itzuli eta espetxera bueltatu da Joseba Arregi preso oñatiarra

Joseba Arregi Erostarbe.

Hirugarren graduaren aurka fiskaltzak jarritako helegitea onartu du Espainiako Auzitegi Nazionaleko Espetxe Zaintzako Epaitegi Zentralak. Elkarretaratzea egingo dute Oñatin, bihar, martitzena, 18:30ean.

Etxerako bidean oztoporik ez! Joseba etxera lelopean kontzentrazioa egingo dute bihar, azaroaren 22a, Oñatiko plazan, 18:30ean. Modu horretan, Auzitegi Nazionalak hartutako erabakia salatu nahi dute.

Izan ere, gradu erregresioaren eraginez, Joseba Arregi oñatiarra Martuteneko kartzelara bueltatu da. Otsailean, Eusko Jaurlaritzako Justizia Sailak hirugarren gradua eman zion Arregiri; bada, hilabete geroago fiskaltzak helegitea jarri zuen. Orain, Espainiako Auzitegi Nazionaleko Espetxe Zaintzako Epaitegi Zentralaren erabakia etorri da: bigarren gradua ezarri diote.

Joseba Arregik 76 urte ditu eta horietatik ia 31 kartzelan pasa ditu. Espainiako zigorraren hiru laurdenak 2019ko ekainean bete zituen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.