Auzotarrek antolatuta, gaztaina jana egingo dute Araotzen urtero, eta ekitaldi hori kultura hitzordu batekin osatuko dute gainera. Aurten izango da lehen aldia, azaroaren 26an. 18:00etan gaztaina jana egongo da eta ondoren, 19:30ean, Pettiren kontzertua.
Elizako aterpean egingo du kontzertua Pettik eta gaztaina jana ere plazatxoaren bueltan izango da, kanpoan ateri bada, eta frontoian euria bada.
Ekitaldi biak urteroko agendako lehendabizikoak izango dira. Gabonen aurretik, urtero egingo dute gaztaina jana eta kultur hitzordua batuko dituen ekitaldia, Araotzen.