Mikel Sagarzazu 'Hooper oilaskoerbia' filmaren parte izan da

Zuriñe Urruela Santidrian 2022ko aza. 10a, 15:07
Deskargatu Info Ahotsak :
es en fr

Mikel Sagarzazu oñatiarrak parte hartu du Hooper oilaskoerbia filmeko euskarazko bikoizketan. Asteburu honetan, azaroaren 12an eta 13an, 17:00etan, Oñatiko Kultur etxeko zine aretoan proiektatuko da filma. Igandeko saioan, haurrek Mikel Sagarzazuren pelikularen inguruko azalpenak jasoko dituzte.

Filmak kontatzen du Hopper erdi oilasko eta erdi erbi jaio zen abenturazale ospetsuaren istorioa. Pedro erregearen seme adoptatua da. Ezberdintasunak gorabehera, onartua izateko irrikaz dago Hopper, eta abentura zirraragarri bati ekin dio Abe zerbitzari leialarekin (dortoka sarkastiko bat) eta Meg arte martzialetan aditua den mofeta ausartarekin, Iluntasunaren Hamster izeneko erlikia diruzalearen bila. Hirurek erronka handi bati egin behar diote aurre, Lapin baino lehenago iritsi behar baitute. Lapin gaizkilea da, eta duela gutxi kartzelatik ihes egiteak erreinuko bakea mehatxatzen du.

Sarrerak Udaleko webgunean salgai daude.

Euskara Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak

Tokikom logotipoa
Gertuko informazioa, euskaraz
Tokikom publizitatea