Kristau Eskoletako 29 ikastetxek topaketa egin dute gaur goizean Arantzazun, Eskola eta Balioak jardunaldien bederatzigarren edizioan, eta, tartean egon da Oñatiko Elkar Hezi ere.
Herritartasuna kontzeptua izan dute berbagai, uste baitute pertsonen eta Lur planetaren zaintza "gero eta handiagoa eta hobea izatea eskatzen ari den gizarte batean", rol garrantzitsua izan dezakeela eta hori barneratu beharra dagoela. "Horrek aukera ematen du elkarren mendekoak eta ekomendekoak izango diren kalitatezko loturako sortzeko, bizitzak erdigunean jarrita", eta adierazi dute horrek hezkuntzan ere horrela beharko lukeela izan.
Eskolen zeregina
Maria Eugenia Iparragirre Kristau Eskolako zuzendari nagusiak hartu du hitza, eta azaldu duenez, ikastetxeak "funtsezko zeregina" betetzen du ikaskuntza eta gaikuntza prozesuari dagokionez, "herritartasun gizatiarrago baten eraikuntzaren" testuinguruan.
