Aurtengo edizioko oinarriak irakurri eta gaia/generoa eta objektua banatu ondoren Santa Ana antzokian, 08:00etan, taldeek arratsaldeko zazpietarako lanak aurkeztu beharko dituzte bertan. Ondoren, luntx txiki bat egongo da, eta, 21:00 aldera, taldeen photocall-a izango da. Film laburren emanaldia, berriz, 21:30ean hasiko da, Santa Ana antzokian.
Santa Ana antzokiko emanaldia doan izango da, baina sarrerak eskuratu beharko dira sartu ahal izateko. Sarrerak arratsaldeko bostetatik aurrera banatuko dira Santa Ana antzokiko sarreran. Sobratzen badira, emanaldia hasi aurretik eskuratu ahal izango dira Santa Anako sarreran bertan. Emanaldia streaming bidez ere jarraitu ahal izango da, OLRk duen Youtubeko kanalean.
Aurtengo sariak izango dira:
-
Sari nagusia
-
Bigarren saria
-
Hirugarren saria
-
Publikoaren saria
-
Emakumezko aktore onenaren saria
-
Gizonezko aktore onenaren saria
-
Antolatzaileen saria
Momentuz, 18 taldek eman dute izena. Izen ematea ostiralean 12:00etan itxiko da eta 20 talde onartuko dituzte, gehienez, eta informazioa zabaltzeko OLR-ren instagram kontua erabiliko da. Parte hartzeko oinarriak haien webgunean ikusgai daude: https://olrallya.