Egubakoitzean eman zioten hasiera Goienagusirekin batera Udalak martxan jarritako Esperientzia Gelari. Angel Chamorro neurologoaren hitzaldia egon zen proiektuaren aurkezpenaren ondoren, eta harrera ona izan zuen; bete egin zen antzokia. Hitzaldia Goienagusiren sareko kanalean dago orain ikusgai.
Udal Gobernuak eskerrak eman nahi dizkio bai Angel Chamorrori Oñatiko esperientzia gelari hasiera emateko luzatutako gonbidapena onartzearren, bai bertara gerturatu zirenei ere, "Oñatiko esperientzia gelari horrelako harrera ematearren". Baita Goienagusikoei era, "Oñatin Esperientzia Gela amets batetik errealitate bihurtzen laguntzearren".
Esperientzia Gela
55 urtetiko gorako herritarrendako ekimena da Esperientzia Gela. Hitzaldiak, jarduerak zein tailerrak antolatuko ditu hilero aurrerantzean, tartean, adibidez: mendi ibilaldia, argazkigintzaren hastapena telefono mugikorrarekin tailerra eta beste hitzaldi batzuk. Goienagusi elkarteko web gunean dago jarduerei buruzko informazio guztia. Oñatiko Udaleko hezkuntza teknikariarekin ere jar daiteke harremanetan interesa duen edonor.
