Udazkenarekin batera kaleratu dituzte beraien proposamenak Gipuzkoako parketxeek. Arantzazuko parketxean, gaztagintza izango da izarra, Gomiztegiko artzain eskolaren laguntzarekin.
Horrez gain, ipuin eta mito zaharrek ere izango dute beren lekua: "Marimundukok bertara hurbiltzen diren haur eta guraso guztiak aho bete hortz utziko ditu bere kontakizunekin".
Bestetik, liho landarearen erabileraren gainean ikasteko ikastaroa antolatuko dute Oñatiko egoitzan.
Lurraldeko gainerako parketxeen eskaintzak webgunean daude ikusgai.