Ostiralean hasi zituzten Arantzazuko jaiak, patata-tortilla lehiaketarekin. Zapatu goizeko mendi bizikleta irteerara 60 parte hartzaile azaldu ziren, kontuan hartzeko kopurua, ezbairik gabe. Auzo bazkaria egin zuten jarraian, eta 80 lagun animatu ziren guztira. Bazkal ostean, irudietan ikusten den bezala, ederto pasa zuten dantzaldian. Bertsoak ere presente egon ziren, Aitor Tatiegi eta Urko Arregi bertsolarien kantuekin. Txorizoz eta saldaz osatutako otordutxoa egin dute gaur jaiak borobiltzeko.
