Oñatiko Udaleko kirol ordezkariek baieztatu duten moduan, atzoko analitikak enterokoko bakteriaren metaketa handia eman dutela jakinarazi die Osakidetzak eta ondorioz, bainua debekatu dute domekara bitartean Usakon.
Udako bainu denboraldi hasieran gertatu zen bezala, orain ere enterokoko bakteria asko, neurritik gora, atzeman dituzte Usakon atzo, eguaztena, egindako analitiketan, eta bainua debekatu egin dute domeka arte. Emaitza horien berri emanez jaso berri dute Osakidetzako deia udaleko kirol zerbitzuetan eta ondorioz Usakon bainua debekatuta dagoen berria eman dute eurek.
Justu domekan, irailak 11, bukatzen da Usakoko udako bainu denboraldia; sorosle zerbitzua egongo den azken eguna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
