2020ko martxoan itxialdia heldu zenetik ikastetxeetan ezarritako COVID protokolo barik hasiko dute ikasturtea gaur eta bihar herriko ikasleek; autobusa hartu dutenek, baina, maskara jarri beharko dute han. Sartu-irtenak ere lehen bezala egingo dituzte. Horrez gain, ikastetxe bakoitzak egin dituen obrak ere ikasturte honetan estreinatuko dituzte: Urgainen, esaterako, sukaldea eta jangela berriztu dituzte; Elkar Hezin Behebarrua gunea egokitu dute eta Txantxiku ikastolan, bigarren hezkuntzakoek, instalazio berrituak erabiliko dituzte.
Gaur, eguaztena, dira hastekoak Elkar Hezin eta Txantxiku ikastolan eta bihar, eguena, Urgainen. Lehen egunak goizez bakarrik egingo dituzte, eta ikastetxe bakoitzaren egutegiaren arabera hasiko dira goiz eta arratsalde. Ikast
