Goizean konturatu da Olabarrieta auzoko baserri bateko jabea haren txakurra falta zela. Idoia Lazpita udaltzainburuak azaldu duenez katearekin eta lepokoarekin zeukaten lotuta artzain txakur alemana, baina lepokoa "zaharkituta" zeukan eta goizean alde eginda zegoela konturatu dira. Mendi aldera joan dira lehenengo, txakurra ardi bila joango zelakoan, baina kalerako bidea hartu duela zehaztu du udaltzainburuak.
Izan ere, udaltzainek Ugarkalden aurkitu dute txakur bat lepoko barik: "Txipa irakurri nahian berarengana hurbildu dira udaltzainak eta justu momentu horretan emakume bat zioan bere txakur txikiarekin eta txakur txiki horri eraso egin dio artzain txakur alemanak", adierazi du Lazpitak. Emakumea eta txakur txikia babestu nahian, udaltzainen kotxera sartu dituzte biak eta ondoren albaitariarengana eraman dute erasoa jasan duen txakur txikia.
Ihes eginda aurkitu dutena berriz, lasaitu eta dagoeneko bere baserrian dagoela azaldu du udaltzainburuak.