Eibartik Alaveserako saltoa egin du Eider Egaña oñatiarrak

Eider Egaña, Alaves taldearekin denboraldiaurrean murgilduta. Argazkia: @alavesFem

Beste debagoiendar bat fitxatu du Alavesek Euskal Ligan jokatuko duen taldea indartzeko: Eider Egaña. Oñatiko atezainak Eibarren egin ditu azken urteak, eta, bigarren taldearen dinamikan sartuta egon bada ere, iazko ekainean debuta egin zuen lehenengo mailan. 

Eider Egaña hasi da talde babazrorroan lanean, denboraldiaurrea prestatzen. Alavesek fitxatu du, eta oñatiarrak talde gasteiztarrean egingo ditu datozen hiru denboraldiak. Hala, Egañaren asmoa da futbola eta ikasketak bateragarri egitea, Soin Hezkuntzako ikasketak egingo ditu eta. Aipatu moduan, Alavesen ibarreko bi jokalari izango dira, bertan da-eta Elene Errasti. Aretxabaletako aurrelariak ere Euskal Ligako taldean jokatuko du, baina hark ere iaz egin zuen debuta maila gorenean. Bigarren taldean jokatuko dute biek, baina lehenengo taldearen dinamikan sartuta ibiliko dira. Bi horiez gain, Uxue Iparragirre antzuolarrak Eibarko maila nazionaleko taldean jokatuko du, eta baita Realean dabilen Elene Guridi oñatiarrak ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.