10:30ean korrikalarien tropel handiena lasterka hasi aurretik izango da, 10:15ean, eta, beste behin ere, "kirolaren balio integratzailea" ikustarazteko asmoz, aniztasun funtzionala duten bost haur eta gaztetxok, handbike-ean ariko diren beste hiruk eta lan istripuan hanka galdutako lagun batek, patinekin, emango diote hasiera domekan Torreauzoko krosaren 23. edizioari –mugikortasun arazoak izan, parte hartu nahi eta oraindik izenik eman ez dutenentzat, jasone_elorza@yahoo.es helbidea jarri du eskura antolakuntzak; gainerakoentzat, www.herrikrosa.eus, domekako 09:00ak arte, gaurko 22:00ak arte merkeago–.
Ibilbidea betiko bera izango da, Olateko joan-etorria, 7,6 kilometrokoa, eta proba antolatzen duen Abixaran elkarteak taldean izena ematera deitu ditu korrikalariak. "Hiru lagun elkartu eta talde-izen berberaz inskribatzea nahikoa da. Opari bereziak izango dira taldeentzat, eta baita emakumeentzat ere", adierazi dute.