Martizinema ekimenarekin, udako ikus-entzunezkoen es kaintza itzuliko da gaztetxearen kanpoaldera, aire librean eta doan. Hilaren 5ean eta 12an, 22:00etan hasita, Brinkola telesailaren hainbat atal eskainiko dituzte; hilaren 19an, ordu berean, Usual Suspects; eta 26an, 21:30ean, Paradisu zinema.
Bestetik, aurten estreinakoz, Sarerekin elkarlanean, euskal presoen eta iheslarien sostengurako kontzertu sorta antolatu dute Ostegunak etxera izeneko egitasmoan. Emanaldi guztiak 21:30ean izango dira, 3 euroren truke. Agertokira igotzen lehenak, hilaren 7an, Gasteizko Vibora taldekoak izango dira, eta ondoren, Lee Kore oñatiarren txanda izango da; hilaren 14an, Aretxabaletako Neallta Fola taldeak egingo du saioa; 21ean, Sukena oñatiarrek; eta 28an, Ondarroako Dena taldekoek. Antolatzaile dabilen Aitor Urizarrek azaldu du egitarau "oparoa" prestatu dutela gaztetxearen hamargarren urteurrena ospatzen jarraitzeko.
