Lizargarate trikitizale elkartearen eta Ingo Xonau! taldearen ekimenez antolatu dute zapatuko Trikitika eguna. Egun osoko festa izango da, San Juan egunaren bezperan. Eguerdian, Oñatiko trikitilariek girotutako triki-hika-poteoa egongo da; gero, hika-bertso-bazkaria; eta arratsaldean, Eingo txarangak alaitutako triki-hika-poteoa, dantzarako aukera ere emango duena.
Hika-bertso-bazkaria Antixena parkean izango da eta hiru bertsolarik hartuko dute parte: Oihana Iguaran, Amets Arzallus eta Eli Pagola arituko dira bertsotan. Txartelak Txokolateixan daude salgai, 20 eurotan, ekainaren 21a arte.