Beste urtebetez, kalean egingo dituzte Udalak udarako antolatu dituen kultura ekitaldiak. Errementeri plazan, Santa Lutzian, San Lorentzo ermita aurrean, plaza ondoko frontoian eta Lazarraga lorategian izango dira. Alarma Morea, Bidaide edo Omago taldeak etorriko dira, adibidez; antzerkigintzan, 'Frontona' eta 'Turistreatzen' antzezlanak eskainiko dituzte. Etxe taldeak ere badira egitaraua osatzen dutenen artean.
Eguaztenetan eta 19:00etan izango dira hitzordu gehienak. Salbuespenak dira Ganbara eta Hots abesbatzek uztailaren 1ean egingo duten 'Basoaren hotsa' emanaldia izango da; 22:00etan, Santa Lutzian, eta eguazteneko kontzertua.
Egitarauko lehen emanaldia aste honetan da, ekainak 22, eguaztena; musika eskolako ikasleek ikasturte amaierako kontzertua izango da, 19:00etan, Lazarraga lorategian. Agendan daude jasota guztiak.
- Ekainak 22, eguaztena. Jose de Azpiazu musika eskolako ikasleen ikasturte amaierako kontzertua. 18:00etan, Lazarraga lorategian
- Uztailak 1, egubakoitza. Ganbara eta Hots abesbatzak. 'Basoaren hotsa'. Pianoan: Amaia Zipitria. Zuzendari: Aitor Biain. 22:00etan, Santa Lutzian
- Uztailak 6, eguaztena. 'Frontona' antzezlana. 19:00etan, plazako frontoian (eguraldia txarra bada, Zubikoako pilotalekuan)
- Uztailak 13, eguaztena. Bidaide taldearen kontzertua. 19:00etan, Lazarraga lorategian
- Uztailak 20, eguaztena. Alarma Morea taldearen kontzertua. 19:00etan, San Lorentzoko ermitaren aurrean
- Uztailak 27, eguaztena. Omago taldearen kontzertua. 19:00etan, Lazarraga lorategian
- Irailak 4, domeka. 'Turistreatzen' antzezlana Trapu Zaharra taldeak. 19:00etan, Errementari plazan