Pandemiagatik bi urtez jokatu barik egon eta gero, aurten berriz egingo da Corpusetako eskubaloi txapelketa Zubikoa kiroldegian. Aloña Mendik antolatuta, Gipuzkoako, Arabako, Bizkaiko eta Nafarroako infantil mailako selekzioak etorriko dira eta egun osoko torneoa izango da.
Miren Bermejo oñatiarra
Gipuzkoako eta Arabako nesken selekzioen arteko partidua izango da txapelketako lehenengoa, 09:30ean. Lau jokatuko dituzte goizean eta bazkalostean jokatuko dira 3. eta 4. postuak erabakiko dituzten partiduak, neskena eta mutilena, eta finalak.
Aurretik jokatu diren Corpus torneo gehienetan egon da Aloña Mendiko jokalariren bat, eta aurten ere bai. Miren Bermejo oñatiarrak Gipuzkoako selekzioarekin jokatuko du. Beste kategoria batzuetako txapelketak ere antolatu dituzte aurten beste herri batzuetan eta horiek guztiak jokatzeko etxeko jokalariren bat dago Gipuzkoako selekzioko taldean.