Bi urteren ostean, betiko tokia hartu dute barrakek; espazio bera eta barraka bakoitzaren tokia ere bera. Goizean iritsi dira, eta ondo ezagutzen duten gunean hasi dira muntatzen, bakoitza egon ohi den lekuan.
Egubakoitzetik aurrera egono dira martxan, hilaren 21a arte. Bidaia bakoitzaren prezioa 1,80 euro izango da eta sei bidaien bonoa berriz, hamar euro; bidaia bakoitzak bi minutu iraungo ditu, gutxienez. Ekainaren 20an, hurrengo astelehenean, baina, euro bat izango da badaiako.
Zapatuan, bestalde, barraketako argiak eta musika kendu egingo dira bi orduz –17:00etatik 19:00etara–, aniztasun funtzionala duten haurrentzat eta gaztetxoentzat.
