2019ko sanmigeletan iritsi zen Oñatira Horazio Argarate parrokoa; harrezkero egin diren Corpus ospakizunak pandemiak baldintzatutakoak izan dira eta ez da prozesiorik antolatu. 2020ko meza Goienak eman zuen, zuzenean, telebistaz, eta 2021ekoa ere ohikoa baino apalagoa izan zen eta eliza barruko ekitaldira mugatu zen.
Beraz, eta eguraldi ona egiten badu, behintzat, herriko kaleetan egingo da berriz ere Corpus domekako prozesioa, eta Horazio Argaratek horrela biziko duen lehena izan daiteke. "Txantxak eta adar-jotzeak ez dira falta, ez. Umore sanoz bizi dut, baina ea eguraldi ona egiten duen", dio, barrez, Argaratek.
