Herribusa, bestalde, astelehenetik aurrera joango da Usakora. Udaltzainek gogorarazi dute debekatuta dagoela Olaterako bide ertzetan zein Zuazolako zubian aparkatzea, eta aurten ere egokitu dutela ibilgailuendako aparkalekua Usako ondoko belardi batean.
Oñatiko bainu sasoiaren hasierak Usakori bakarrik ez, San Lorentzoko ur txorrotei ere eragiten die, gaurtik ura egongo delako bertan 11:00etatik 21:00ak arte. Eta Zubikoan, zabalik dago baita ere kanpoko belardiaren eta terrazaren eta barruko igerilekuaren arteko pasoa.