Aitor Biain eta Aitor Garitanoren zuzendaritzapean eta pianoan Leire Ugartek lagunduta, askotariko piezak eskaini zituzten atzo Ganbara Kantu Eskolakoek ikasturte amaierako emanaldian. Ganbara Txikitxo taldekoek, gainera, Josu Elberdinek konposatutako Makilakixki ikuskizuna ere eskaini zuten lehen aldiz. Ezaguna den ipuin tradizionalean oinarritutako bertsio musikatua egin zuten, baina Oñatiko pertsonaia, baserri eta kontuetara egokituta.