Gaur goizean izan dira bi urpekari Usakon bertako putzu barreneko zikinak ateratzen. "Joan den urtean baino hobeto ibili gara. Ur gutxiago zuen gaur errekak. Ez zegoen arazorik alde batetik bestera pasatzeko, adibidez. Aurten adar asko eta kristal handi bat atera ditugu, aipatzeko modukoak. Amuarrainak eta karramarroak ere ikusi ditugu, tamaina dezentekoak gainera azken horiek, eta horrek poztu gaitu. Seinale oso ona da hori. Ur garbia dagoenaren seinale", dio urpekarietako batek.
Uraren tenperaturari buruz, ez zaiela aparteko hotza iruditu adierazi du barre eginez: "Ez dugu hartu. Horrek esan gura du ez zaigula hotza iruditu".
Ekainaren 11n
Datorren astean, ekainaren 11n, emango zaio hasiera udako bainu denboraldiari Oñatin. Ur txorrotak ere egun horretatik aurrera egongo dira erabilgarri.
