Ezustean eman zuten berria duela hilabete pasatxo, "abisu berrira arte" fonda itxita izango zela. Ordutik, kezka eta jakin-mina izan da paraje hura bisitatu eta fondan geldialdia egiteko ohitura zutenen artean –jende asko eta asko, Oñatikoa, eskualdekoa, inguruko beste herri eta bailaretakoa–. Orain iritsi da Gipuzkoako eta Arabako Partzuergoaren baieztapena.
Ohar laburra kaleratu du Partzuergoak: "Idazki honen bidez jakinarazi nahi dugu egungo Urbiako Fondaren arduradunek, behin betiko, Fondaren kudeaketa uztea erabaki dutela".
Oharra amaitzeko eskatzen du "kudeaketarekin jarraitzeko interesa izango lukeenak deitu edo idatzi dezala Segurako udaletxera: 943-80 10 06 edo udala@segura.eus".
Goienak egubakoitzean argitaratuko du –papereko astekarian eta sarean– urte hauetan guztietan Urbiako Fonda kudeatu dutenek agurrekorako helarazitako oharra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
