Antolatzaileek parte-hartzaile guztiak zoriondu nahi izan dituzte egindako ahalegina eskertzeko. Guztira 121 lan jaso dituzte aurten eta bost kidez osatuta egon den epaimahaiak "lan handia" egin behar izan du horrenbeste bertsoren artean, onenak aukeratzeko.
Zortzi saridun izendatuko dituzte; lehen hezkuntzako bost eta DBH eta Batxilergoko hiru. Saridun guztiek euskalgintzarekin eta bertsolaritzarekin lotutako sariak jasoko dituzte.
Domekako ekitaldian izango dira Maider Arregi eta Andoni Egaña bertsolariak eta Unai Gaztelumendi marrazkigilea.