Udalak deialdia egina zuen Emakumeen Etxea kokatzeko eraikin bat erosteko interesa zuela iragarriz. Hainbat baldintza bete behar zituen eraikin horrek: autobus geltoki batetik gertu egotea, erdigunean, irisgarria izatea... Eskaintza bakarra jaso du eta horixe erostea erabaki du. Kale Zaharra kaleko 13 atariko eraikina da, Sillero oinetako dendaren eta Ogiberri okindegiaren parean dagoena, kantoitik behera Aita Madina kalera egiten duena.
Atzo, eguena, udalbatzak egindako maiatzeko osoko bikuran onartu zen erabakia, aho batez. "Partidetzazko aurrekontuetatik diagnostikoa atera zen, Emakume Kontseiluaren, mugimendu feministaren eta Udaleko Berdintasun sailaren babesa ere baduena. Ikusi da beharra dagoela", erabakia onartu ondoren Izaro Elorza alkateak atzo osoko bilkuran esandakoa.
Esperientzia Gela, martxan
Bestalde, Goienagusi kultur elkartearekin hitzarmena osatzea ere onartu zuen, aho batez, udalbatzak. Horrela, datorren ikasturtean, irailetik ekainera, Goienagusik bere hitzaldiak edo tailerrak eskainiko ditu Oñatin ere, Esperientzia Gela izeneko ekimena martxan jarriz. Hitzaldi horiek zinema aretoan edo Santa Ana antzokian izatea aurreikusten da.
