Mondragon Unibertsitateko Enpresagintza Fakultateko ikasleek diplomak jaso dituzte

Mondragon Unibertsitateko Enpresagintza Fakultateak diplomak banatu zizkien joan den egubakoitzean 177 ikasleri. Ekitaldia Donostiako Kursaalean egin zen eta 2020-2021 ikasturteko Enpresa Administrazioko eta Zuzendaritzako Graduko (myGADE) eta hainbat masterretako ikasleak izan ziren diplomak jaso zituztenak.

Guztira, 177 lagun elkartu ziren Donostiako Kursaalean diploma jasotzeko; horietatik, 90 myGADEko graduatuak – 54 Oñatiko campusekoak eta 36 Irungoak –, 65 masterrekoak – Kontabilitate eta Finantza Zuzendaritza, Erakundeen Nazioartekotzea, Marketin Digitala eta Pertsonen Talentuaren Kudeaketa Estrategikoa – eta gainerako 22ak, Lidergoaren eta Coachingaren arloan profesionalentzat zuzendutako programak amaitu dituztenak.

Diploma banaketaz gain, Orbeako zuzendari/gerentea den Jon Fernandezek, hitzaldi bat eman zuen. Ekitaldira bertaratu ziren, gainera, Lander Beloki – Mondragon Unibertsitateko Enpresagintza Fakultateko dekanoa, ekitaldiari hasiera eman ziona – eta Vicente Atxa – Mondragon Unibertsitateko errektorea, ekitaldia itxi zuena –. Graduko espediente akademikorik onenak ere aipatu ziren ekitaldian.

Ikasleak diploma banaketa ekitaldian, egubakoitzean, Kursaalean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.