Maiatzeko irteera, San Donatora

San Donato.

San Donatora izango da Aloña Mendiko mendi sailak maiatzaren 15erako antolatu duen irteera. Parte hartzeko, derrigorrezkoa da federatuta egotea. Izenak emateko azken eguna maiatzak 12, eguena, da.

Sei-zazpi orduko ibilaldia izango da San Donatora, hamazazpi kilometro inguru 900 metroko desnibelarekin. Maiatzaren 15ean da irteera, 07:00etan postetxetik abiatuta. 10 euro da bazkideendako.

Hauxe da aurrerapena: "Maiatzeko irteera San Donatora izango da, Unanu herritik igoera aldapatsua hartuta. Lehenik Etxarri gainean Ihurbain tontorrera heltzen da, handik gailurra jarraituta, Beriain punturik garaiena irabazteko, Bertan harrizko San Donato eta San Cayetano ermita dago. Jeitsiera etzana hartuta, Euskal Herriko zentro geografikotik pasatuz, beste aldean dagoen Ollo haranean bukatzen da irteera. Ez du zailtasunik".

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.