Martxoaren 29an hasi zuen Asier Guridi oñatiarrak gose greba. Caracasen (Venezuela) Espainiako Kontsulatu Orokorraren aurrean ari da egiten. Eskatzen du kontsulatu horrek 2020an ukatu zion pasaportea edo Venezuelako Komisio Nazionalak abenduan aitortu zion errefuxiatu izaera azalduko duen zedula ematea. Agiri ofizialen bat eskuratu eta bere nortasun egoera erregularizatzea da lortu gura duena.
Asier Guridi Zaloña oñatiarra 2005ean iritsi zela Venezuelara, Espainiatik ihesi, eta 2013an atxilotu zuten. Ordutik ez duela nortasun juridikorik eta hori barik hainbat eskubideren faltan dagoela salatzen du, lanbide legalik eduki ezin izana edo semea ordezkatu ezina, adibidez.
