Euskadiko duatloi sprint txapelketa izan zen atzo, apirilak 10, Basaurin eta dominekin itzuli ziren Olatz Korkostegi eta Mikel Ruiz oñatiarrak. Hain zuzen ere, bigarren helmugaratu ziren bakoitza bere kategorian: Olatz Korkostegi, neska beteranoen kategorian (1:20:39) eta Mikel Ruiz, mutil beteranoen kategorian (1:03:05).
Lasterketa Basaurin izan zen. Bost kilometro korrika lehenengo, 20 kilometro bizikleta gainean eta beste 2'5 kilometro korrika proba amaitzeko. 115 zeuden izena emanda eta 95ek amaitu zuten.
