Dariok erakustaldia eman du Oñatiko Zubikoako pilotalekuan, sakea ederki aprobetxatuta, eta Etxebarria aukerarik gabe utzi du norgehagoka osoan zehar. 22-2ko markagailuarekin bukatu da neurketa, azkar, zaleen harridurarako. Garaipenarekin Dariok aurrera egingo du txapelketan.
Ostean, binakakoan aritu dira maila goreneko lau pilotari. Iker Irribarria eta Jose Javier Zabaleta, Jokin Altuna eta Beñat Rezusta bergararraren aurka. Zabaleta eman eta eman aritu da partida osoan zehar, eta Altunak ezin izan du bere erasoko joko arriskutsua guztiz atera. Irribarriak egindakoekin eta Altunak huts egindakoekin azkar bukatu da partida (22-8).
Jaialdia azkar bukatu da Zubikoan, baina harmailak goraino beteta egon dira.
