Apirilaren 19tik 22ra bitartean, goizez, 09:00etatik 13:00etara egingo da futbol campusa. Bertan parte hartzeko aukera dute 2013tik 2011ra bitartean jaiotako umeek, eta dagoeneko 95ek, behintzat, eman dute izena. Antolatzaileak gustura daude zifra horrekin, eta horien gidari lanetan zortzi monitore ibiliko dira. Bi orduz futbol saioak egingo dituzte egunero eta beste bi orduetan bestelako taldekako kirolak, frontoi kirolak eta jolasak egingo dituztela aurreratu dute.
Aurten, gainera, parte-hartzaileen artean kamisetak banatzeko asmoa dute antolatzaileek, eta futbol munduan dabilen gonbidaturen bat ekarri nahi dute.
Izen-emateak zabalik jarraitzen du; alonafutboludalekuak@gmail. com-era idatzi behar da. Parte hartzeko prezioa 60 euro da.
