Kontzertu sakroa eskainiko du zapatu honetan Oñati abesbatzak Eibarren, bertako Sostoa abesbatzarekin batera. 2022 honetan, Aita Madinaren heriotzaren 50. urteurrena da, eta testuinguru horretan, bi abesbatzek Aita Madinaren Tantum ergo kantuaren estreinaldia egingo dute –Europa mailako estreinaldia izango da–.
Kantu horrez gain, beste hamaika ere eskainiko dituzte bi abesbatzek, Mirengu Plazaolaren zuzendaritzapean. Zapatuko kontzertua Eibarko karmeldarren elizan izango da 20:00etan.
Maiatzean, Oñatin
Eibarko kontzertuaren ostean, maiatzaren 1ean, zuzeneko horixe bera eskainiko dute bi abesbatzek, kasu honetan, Oñatin bertan.