Chernobilen Lagunak elkartearena da ekimena eta Oñatin ere egingo dute materiala jasotzeko saiakera, hango umeak ekartzen dituzten herriko familien eskaerarekin bat eginda. Hilaren 30ean, eguaztenean, kamioi bat bidaliko dute Kiev iparraldean dagoen Ivankiv herrira, eta hor bidaliko dituzte batutako produktuak.
Higienerako eta osasunerako produktuak, kontserbak, lekaleak, pasta, arroza, galletak, olioa, txokolatea eta halako elikagaiak eta pilak, linternak eta 3 kilowatteko sorgailu elektrikoak jasoko dituzte, besteak beste, Martzelino Zelaia kaleko lokalean, gaur 10:00etatik 12:00etara eta 18:00etatik 20:00etara eta bihar, zapatua, goizeko ordutegi horretan.
