Duela 27 urte, 1995eko martxoaren 23an zabaldu zuten Magdalena gasolindegia eta gunea berritzen ari dira orain. Denda eta komuna zeuden espazioa da konpontzen ari direna. Eraberritze lanekin batera, egungo eskakizunetara ere egokituko dute lokala. Esaterako, komuna eta dendaren artean espazio bat egongo da gero, eta ez sarrera zuzena orain arte moduan. Zerbitzu gune horretan egingo dituzte eraberritze lanak, gainerakoa lehengo moduan geldituko da.
Obrak bide onetik doazela adierazi dute bertako arduradunek eta apirilaren erdialdean bukatuko dituztela. Bitartean ohiko zerbitzua ematen jarraituko dute.
