Kiki, Moko eta Koko pailazoak arratsaldean datoz Oñatira 'Bizi bizi zirkua' ikuskizunarekin. Bi emanaldi egingo dituzte: 16:30ean eta 17:45ean. Bietan dago tokia oraindik baina sarrera aurrez hartzea komeni da.
18:00etan, plazan, txokolate beroa eskainiko du Oñatiko parrokiako misio taldeak. Batutako dirua, Ginean egiten ari diren eskolarako izango da. DJ festa orduerdi geroago hasiko da, plazan bertan.
Aurretik
Oñatiko Inauteri Txikia ospatu zuten hiru ikastetxeek elkarrekin joan den eguenean, Egun Gizen egunean, 'Harri minak' antzezlana egubakoitzean izan zen eta zapatuan eta domekan berriz ikusi ziren inauterietako dantzak Oñatiko kaleetan. Atseden eguna izan zen atzo, baina gaur inauterietako martitzena da eta oraindik ez dira karnabal festak bukatu. Ikastetxeak ere batu dira aurtengoetarako, ohitura izan den moduan.
