Kolore gorriko "pintura plastika" delako pintatzeekin esnatu dira gaur Oñatiko udaletxeko ate nagusia eta frontoira bidean, Gernikako Arbolaren alboan dagoen plaka oroigarria.
Udaltzainburuak Goienari adierazi dionez, udal langileak eraikinera heldu direnerako –7:00ak bueltan– gorriz zeuden jada bi guneak. "Arakatu ditugu herriko beste espazio batzuk ere, baina ez dirudi beste pintaketarik dagoenik". Plazako frontoian aurkitu dute udaltzainek 25 litroko edukiera zuen pintura potea. "Gauza handirik ez dakigu", adierazi du.
Zergatiez galdetuta, argi mintzatu da arduraduna: "Oso zaila zaigu zergatia jakitea".