Mondragon Unibertsitateko Enpresagintza Fakultateak diplomak eman zizkien joan den egubakoitzean, Donostian, 320 ikasleri. 2018-2019 eta 2019-2020 promozioetako graduko, unibertsitate-masterretako eta coachingaren eta lidergoaren arloko profesionalentzako prestakuntzako ikasleak izan ziren diplomak jaso zituztenak.
Diplomak jaso zituztenen artean zeuden Enpresen Administrazio eta Zuzendaritza graduko (MyGADE) modalitate dualeko Oñatiko campuseko 96 ikasle. Era berean, ikasle onenak ere nabarmendu zituzten.
Donostian, Kursaalean, egin zuten ekitaldia eta elkartutako hizlarien artean izan ziren, besteak beste, Lander Beloki, Mondragon Unibertsitatearen Enpresagintza Fakultateko dekanoa eta Txomin Garcia, Laboral Kutxako lehendakaria. Azken horrek, Mondragoneko esperientzia kooperatiboaren eta bere bizitza profesionalaren gainean jardun zuen, ikasleei "mezu motibagarria" zabaltzeko helburuarekin. Ekitaldia itxi zuen Mondragon Unibertsitateko errektore Vicente Atxak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
