Ganbara Kantu Eskolako haur nagusienak izango dira ikuskizun musikatu honen protagonist: guztira 25 haurrek eta lau helduk hartuko dute parte antzerkian, eta hamar pertsona produkzio lanean. Guztira 40 pertsonako lan taldea. Amaia Diaz de Monasterioguren nutrizionistaren kolaborazioa izan dute lan honetan. Aitor Biain Bidartek zuzenduko du.
Hasiera batean egun guztiko ekitaldia izatea zen asmoa, herriko kaleetan barrena egitea, bi urtean behin Ganbarak antolatzen duen Kantua Kalean ekimenaren gaia izango baitzen. Baina ikuskizunari buelta eman eta antzokirako prestatu dute eskolako haurrak. Horrela, Santa Ana antzokian izango da ikuskizuna gaur, abenduak 27, 18:30ean. Sarrerak salgai daude, bost eurotan, ohiko tokietan.
Datozen ekitaldiak
2022eko lehen sei-hilabetean ekintza hauek izango ditu esku artean Ganbara Kantu Eskolak:
- Hiru hilabeteko kontzertua: Xomorroak
- Makilakixki musikalaren estreinaldia Ganbara txikitxoren eskutik
- Kantua kalean: haur abesbatza topaketa
- Emakumeak idatzia bazkide kontzertua